Policia e Kosovës ka njoftuar se ka arrestuar një person ndaj të cilit ishte lëshuar urdhërarrest ndërkombëtar. Arrestimi u krye të enjten rreth orës 16:00 në Prishtinë.
Sipas raportit 24-orësh të PK-së, bëhet e ditur se i dyshuari është shtetas serb.
“Është arrestuar i dyshuari mashkull, shtetas serb, pasi që i njëjti kishte urdhër-arrest. Me vendim të prokurorit, i dyshuari është dërguar në mbajtje,” thuhet në njoftimin e Policisë së Kosovës.
Nuk janë dhënë detaje shtesë lidhur me arsyet e urdhërarrestit apo veprat e dyshuara. Institucionet pritet të publikojnë informacione shtesë pas procedurave të mëtejshme ligjore.
IllyrianInfo.com do të raportojë sapo të ketë zhvillime të reja rreth rastit.
