Banorët e qytetit verior izraelit Haifa u panë duke vrapuar për t’u strehuar në një parking nëntokësor poshtë një qendre tregtare, gjatë një sulmi të ri me raketa nga Irani, të premten, raportoi ekipi i CNN nga vendngjarja.
Gazetari i CNN, Nic Robertson, duke raportuar nga qyteti, tha se ndoqi banorët nga rruga drejt një qendre tregtare, pasi nisën sirenat paralajmëruese.
“Sirenat filluan të bien, ndaj shikuam përreth dhe ndoqëm njerëzit që po largoheshin nga rruga… sepse banorët këtu e dinë saktë ku janë strehimet nëntokësore,” – tha Robertson.
Ekipi zbriti disa kate poshtë në qendrën tregtare, deri sa arritën në parkingun nëntokësor, ku qindra qytetarë po strehoheshin.
Shumica prej tyre kishin telefonët në duar, duke ndjekur në kohë reale informacionet për atë që po ndodhte në sipërfaqe.
Sipas ushtrisë izraelite, Irani lëshoi një valë të re raketash drejt Izraelit verior, qendror dhe jugor të premten, duke rritur ndjeshëm tensionet në rajon.
