Kandidati për deputet, Lahi Brahimaj, ka ngritur shqetësimin për situatën e pastrimit të borës në Kosovë, duke kritikuar ministrin e Infrastrukturës, Liburn Aliu, dhe vartësin e tij, Hysen Durmishi, shkruan Gazeta Momenti.
Në një postim në rrjetet sociale, Brahimaj theksoi se shumica e rrugëve në vend janë thuajse të papastruara, duke përmendur se kjo situatë vazhdon edhe pas mesditës të 11 janarit, piku i dimrit.
Brahimaj e cilësoi si një dështim menaxhimin e pastrimit të borës, duke theksuar se, ndërsa bora është një fenomen i zakonshëm në këtë periudhë të vitit, Durmishi duket se është i zënë me fushatën zgjedhore dhe ka harruar përgjegjësitë e tij.
“Ministri Aliu dhe vartësi i tij Durmishi janë të befasuar nga bora, e cila është normale të bie në janar. Shumica e rrugëve janë ende të papastruara, dhe kjo ka ndikuar direkt në sigurinë e qytetarëve. Nuk mund të ketë më vonesa dhe neglizhencë në menaxhimin e situatave të tilla”, tha Brahimaj.
Ky reagim i Brahimajt vjen në një kohë kur shumë qytetarë janë ankuar për rrugë të bllokuara dhe kushte të vështira qarkullimi për shkak të borës.
Ai kërkoi që autoritetet të përmbushin përgjegjësitë e tyre dhe të sigurojnë kushte të sigurta për qytetarët.
Discover more from Illyrian Info
Subscribe to get the latest posts sent to your email.
You must be logged in to post a comment Login