Ministri i Jashtëm serb Marko Gjuriq tha se një nga sukseset më të mëdha të Serbisë në vitin e kaluar ishte pengimi i Kosovës për t’u bërë pjesë e Këshillit të Evropës, por edhe ndryshimi i situatës në lidhje me Rezolutën për gjenocidin e Srebrenicës në Kombet e Bashkuara.
“Në maj, ne patëm një luftë në OKB për të parandaluar një rezolutë kundër interesave të Serbisë, e cila ishte shumë serioze, por ne arritëm ta kthenim rezultatin në tre javë për çështjen më të vështirë të mundshme. Një sukses tjetër ishte pengimi i regjimit të Kurtit për t’u bërë anëtar i Këshillit të Evropës. Por, me kontaktet dhe angazhimin tonë ia dolëm ta ndalonim”, citohet të ketë thënë Gjuriq, raporton Kosova Online.
Kujtojmë se vitin e kaluar Kosova dështoi të anëtarësohet në Këshilli të Evropës, për faktin që qeveria e Kosovës nuk e dërgoi për shqyrtim në Gjykatën Kushtetuese një draft statut të BE-së për themelimin e Asociacionit të komunave me shumicë serbe, që ishte një kusht për Kosovën për anëtarësim në këtë organizatë.
Discover more from Illyrian Info
Subscribe to get the latest posts sent to your email.
