Objekte të rëndësishme të infrastrukturës energjetike ruse janë goditur gjatë natës së 31 tetorit, pasi autoritetet ruse raportuan për një sulm të gjerë me dronë ndaj disa rajoneve. Sulmet janë regjistruar në Oryol, Vladimir dhe Jaroslavl, duke shkaktuar shpërthime dhe dëme në sisteme kyçe të furnizimit me energji dhe naftë.
Sipas informacionit të publikuar nga mediat dhe zyrtarët lokalë, sulmi ka qenë i fokusuar në tre objekte strategjike:
Termocentrali “Oryol” burimi kryesor i energjisë elektrike dhe ngrohjes në rajon
Trafostacioni “Vladimir” një nga nyjet kryesore të rrjetit energjetik rus
Rafineria “Novo-Jaroslavski” rafineria më e madhe në veri të Rusisë
Banorët e qytetit Oryol raportuan shpërthime gjatë natës, dhe video nga kamerat e sigurisë kanë dokumentuar momentet e goditjes ndaj termocentralit. Kanali opozitar rus “Astra” publikoi pamje ku shihet një shpërthim i fuqishëm në centralin elektrik.
Guvernatori i rajonit Oryol, Andrej Klischkov, konfirmoi sulmin dhe deklaroi se dëmet janë shkaktuar nga fragmente të dronëve të rrëzuar mbi rrjetin mbrojtës.
“Nuk pati zjarr dhe nuk kemi raportime për viktima. Ekipet emergjente janë në terren dhe furnizimi me energji është pothuajse tërësisht rikthyer,” tha Klischkov.
Në rajonin Vladimir, analiza e publikuar nga kanali “Astra” tregon se objektivi ishte trafostacioni me kapacitet 4010 MW, një prej pikave më të rëndësishme të rrjetit rajonal.
Ndërsa në Jaroslavl, shpërthime u raportuan pranë rafinerisë “Novo-Jaruslavski”, e cila përpunon rreth 15 milionë tonë naftë në vit, duke e renditur si të pestën më të madhe në Federatën Ruse.
Sulme si hakmarrje?
Këto sulme vijnë vetëm një ditë pasi Rusia kreu një ofensivë të madhe me raketa dhe dronë ndaj infrastrukturës energjetike të Ukrainës më 30 tetor. Kompania energjetike ukrainase DTEK konfirmoi se disa termocentrale të Ukrainës u goditën, duke shkaktuar dëme në rrjetin energjetik dhe ndërprerje të furnizimit.
Ndërsa Rusia dhe Ukraina vazhdojnë goditjet e njëpasnjëshme ndaj infrastrukturës energjetike të njëra-tjetrës, ekspertët paralajmërojnë se dimri mund të sjellë përshkallëzim të presionit ndaj qytetarëve dhe rrjeteve të furnizimit.
IllyrianInfo.com do të ndjekë zhvillimet dhe raportimet lidhur me reagimet zyrtare dhe pasojat e sulmeve energjetike në dy vendet.
‼️🇷🇺—-The Vladimirskaya Power Substation was struck by what is reported as 2 explosions.
— 🇷🇺 Vanguard-Veritas🇨🇦 (@RussCan91) October 31, 2025
From telegram—-
“The Vladimirskaya 750 kV substation is one of the largest and most powerful in Europe. Located in the Vladimir region, it is a strategic hub of the Unified Energy System of… pic.twitter.com/fZxVsPMiCe
