Hamza i prerë: S’ua toleroj pasuksesin ministrave, nëse s’punojnë ata ecin

“Nëse nuk punon, ec”.

Kështu e përshkroi veten karshi vartësve të vet, në këtë rast në eventualitet të ardhjes në qeverisje ndaj ministrave të vet, kandidati i PDK-së për kryeministër, Bedri Hamza.

“Unë nuk bëj kompromis me suksesin, as me veten, as me ata që më rrethojnë. Nëse dëshiron ta përfundosh punën, atë duhet ta nisesh në kohë. Nuk punon, ecë!”, ka thënë Hamza në “Debat Plus”.

“Duhet t’i mbash përgjegjës vartësit e tu në mënyrë periodike, se a e zbatojnë programin. Nëse ata futen në një zonë komforti, s’kanë llogaridhënie, i mungon transparenca. Nëse ata s’kanë frikë se e humbin vendin e punës, sepse kryeministri i mbron, sigurisht se rezultatet mungojnë”, tha Hamza