Kurti me akuza nga Kaçaniku: Ish-qeveritarët ishin edhe të pashpresë edhe të pabesë

Kryeministri i Kosovës, Albin Kurti, gjatë fushatës në Kaçanik ka kritikuar ish-qeveritarët.

Kurti i ka quajtur të pabesë.

“Sepse ish qeveritarët që populli i njeh mirë, sepse i ka përjetuar edhe në lëkurë edhe në asht, ishin mendjelehtë e zemërgurë, e ne që jemi bashkë në këtë listë 118, jem edhe mendjemprehtë edhe zemërgjerë. Ne bashkë, me mendje sjellim shpresë, sepse me zemër kemi besë. E ish-qeveritar edhe të pashpresë edhe të pabesë. E pse është kështu? Sepse ne merremi me politikë jo nga dëshira për pushtet por nga dashuria për shtet, liri, drejtësi e zhvillim, e komb e barazi.” – ka thënë ai.