Kandidati për deputet nga AAK, Lahi Brahimaj (90), ka vizituar vendet e shenjta ku janë varrosur dëshmorët e Kosovës, duke nderuar kështu kujtimin e atyre që dhanë jetën për lirinë e vendit, shkruan Gazeta Momenti.
Së bashku me familjarë dhe bashkëluftëtarë, ai nderoi dëshmorët Qel Ukaj dhe Zef Gjokaj në Dashinoc, si dhe dëshmorin Nik Hajdaraj në Shqiponjë.
“Çdo hap në këto vende të shenjta është një përulje para sakrificës sublime të bijve më të mirë të kombit tonë, që dhanë jetën për lirinë e Kosovës. Këto vende janë bërë altare të lirisë sonë”, tha Brahimaj gjatë vizitës.
Ai theksoi se do të ruajmë amanetin e dëshmorëve dhe se vlerat për të cilat ata ranë do të përcillen brezave që vijnë.
“Përpara varrezave të dëshmorëve, betohemi se do të ruajmë amanetin e tyre të shenjtë dhe do t’ua përcjellim brezave që vijnë”, shtoi Brahimaj.
Discover more from Illyrian Info
Subscribe to get the latest posts sent to your email.
