Lidhja Demokratike e Kosovës (LDK) ka reaguar pas vendimit të Qeverisë në detyrë për ta dërguar zëvendëskryeministrin Besnik Bislimi në Bruksel, në kuadër të dialogut me Serbinë, duke e cilësuar këtë hap si të pajustifikuar dhe pa legjitimitet qytetar e institucional.
Në një komunikatë për media, LDK thekson se rezultati i zgjedhjeve të 9 shkurtit ka dhënë një mesazh të qartë nga qytetarët, duke mos i ofruar më mandat qeverisë aktuale për përfaqësimin e Kosovës në një proces kaq të rëndësishëm.
Sipas LDK-së, veprime të tilla dëmtojnë kredibilitetin ndërkombëtar të Kosovës dhe rrezikojnë rrugën euroatlantike të vendit.
“Kosova ka nevojë për përfaqësim të denjë, të fuqishëm dhe mbi të gjitha legjitim. Dialogu nuk mund të udhëhiqet nga improvizime partiake të një qeverie pa mandat”, përfundon komunikata e kësaj partie.
Discover more from Illyran Info
Subscribe to get the latest posts sent to your email.
