Nisin homazhet për tetë të zhdukurit që rivarrosen sot 

Në sallën e sporteve “Adem Jashari” në Klinë, sot nga ora 12:00 deri në 13:00 kanë nisur  homazhe për tetë persona të zhdukur gjatë luftës, trupat e të cilëve janë identifikuar dhe do të rivarrosen sot.

Për shkak të gjendjes emocionale, disa familjarë nuk janë ndjerë mirë, dhe ekipi mjekësor është duke intervenuar brenda sallës për të ofruar ndihmën e nevojshme.

Ceremonia e varrimit do të vazhdojë pas homazheve, në vendlindjet e secilit prej të zhdukurve.

Ndryshe, njoftim i Komisionit Qeveritar për Persona të Zhdukur thuhet se pas “Mbledhje komemorative të organizuar dje në Komunën e Malishevës, ceremonitë e rivarrimit të organizuara nga komunat përkatëse, më përkrahjen e Komisionit Qeveritar për Persona të Zhdukur dhe Forcës së Sigurisë së Kosovës, do të organizohen sot më 4 prill 2025.

Postimi i plotë:

Duke filluar

– nga ora 12:00 – 13:00, me Homazhet në Sallën e Sporteve “Adem Jashari”, Klinë

– ora 13:00 – Akademia Përkujtimore , në Sallën e Sporteve Klinë.

Ndërsa nga ora 14:30 – Ceremonia e rivarrimit në Kompleksin Memorial “Kodra e Kuqe” në Grabanicë, të viktimave :

Adem (Hazir) Gashi, Klinë

Sahit(Ahmet) Gashi, Klinë

Bekim(Hashim) Hasani , Klinë

Sheremet(Brahim) Ismajli , Klinë

Osman(Kadri)Fejza , Klinë

Shkelzen Rifat Hajdaraj , Klinë

Bekim (Muharrem) Gashi, Klinë.

Për të vazhduar nga ora 16:30 me ceremoninë e rivarrimit në varrezat në Jashanicë (Klinë) , të viktimës së luftës Mentor (Xhemajl) Myrtaj.

Ceremonitë e rivarrimit në Malishevë:

– Rivarrimi i viktimës së luftës Vehbi (Pajazit) Halilaj

ora 13:00 – Homazhet në Shkollën “Petro Nini Luarasi”, në fshatin Llapqevë,

ora 14:00 – Rivarrimi në varrezat e fshatit Llapqevë .

– Rivarrimi i viktimës së luftës Mentor (Maliq) Kryeziu

ora 15:00 – Homazhe te Oda e Fshatit (pranë shkollës) në Bubavec

ora 16:30 – rivarrimi në varrezat e fshatit Bubavec.

Ndërsa rivarrimi i mbetjeve mortore të viktimës Sabedin (Kadri) Kryeziu, është organizuar më 21 mars 2025 në varrezat e fshatit Mleqan, Malishevë.

Komisioni Qeveritar për Persona të Zhdukur shpreh ngushëllimet dhe mbështetjen familjeve, në këtë ditë të dhimbjes, duke mbetur me përkushtimin e vazhdueshëm në zbardhjen e fatit te të gjithë personave të zhdukur me forcë gjatë luftës.