Presidenca e Autoritetit Kombëtar Palestinez (ANP) ka shprehur keqardhje dhe shqetësim të thellë lidhur me veton e Shteteve të Bashkuara të Amerikës ndaj projekt-rezolutës së Këshillit të Sigurimit të OKB-së, e cila kërkonte një armëpushim të menjëhershëm në Rripin e Gazës. Lajmi është bërë i ditur nga agjencia zyrtare palestineze e lajmeve, WAFA.
Zëdhënësi i presidencës palestineze, Nabil Abu Rudeineh, deklaroi se SHBA-të “zgjodhën të bllokojnë rezolutën duke përdorur të drejtën e vetos”, pavarësisht mbështetjes unanime nga 14 anëtarët e tjerë të Këshillit.
Sipas tij, kjo lëvizje përçon një “mesazh të rrezikshëm” dhe inkurajon Izraelin të vazhdojë “krimet dhe sfidën ndaj së drejtës ndërkombëtare dhe legjitimitetit”.
Abu Rudeineh i bëri thirrje administratës amerikane të rishikojë qëndrimet e saj, me qëllim që të ruhet e drejta ndërkombëtare.
Discover more from Illyran Info
Subscribe to get the latest posts sent to your email.
