Pas Rugovës, LDK provon ta “kap” edhe Osmanin: Ka gjuhë me të afërt me LDK-në

Deputetja e Lidhjes Demokratike të Kosovës, Doarsa Kica-Xhelili, ka folur rreth qasjes dhe gjuhës së përdorur së fundmi nga Presidentja Vjosa Osmani. Ajo ka vlerësuar se tonet e fundit të presidentes janë të ngjashme me ato të LDK-së.

Në një intervistë për emisionin “Spotlight” në Reporteri.net, Kica-Xhelili shtoi se do të donte që presidentja “ta kishte guximin ta bënte më shpesh” një gjë të tillë.

“Nuk e di çka mendon në fund të fundit sepse nuk kam komunikim me të, ka përbrenda LDK’së që e kanë mike. Por gjuhën që e ka përdorur gati në fund të mandatit, kohëve të fundit, më duket një gjuhë pak më e përafërt me gjuhën e LDK’së. Do të doja thjeshtë ta kishte guximin ta bënte më shpesh”, ka deklaruar Kica-Xhelili.