Kryeministri i Izraelit, Benjamin Netanyahu, nuk do të shkojë në Uashington për të marrë pjesë në inaugurimin e presidentit të zgjedhur amerikan, Donald Trump, më 20 janar.
Kështu i tha gazetës “The Times of Israel” një ndihmës i kryeministrit izraelit.
Zyrtarët izraelitë kishin thënë javëve të fundit se Netanyahu pritej të merrte pjesë në inaugurimin e Trumpit.
Gazeta izraelite nuk dha hollësi për këtë vendim, përfshirë arsyet e mundshme.
Trumpi publikoi një video në “Truth Social” ku flet ekonomisti Jeffrey Sachs, i cili e akuzon Netanyahun për manipulimin e politikës së jashtme të Shteteve të Bashkuara dhe për orkestrimin e “luftërave të pafundme” në Lindjen e Mesme, raporton gazeta “The Guardian”.
Në video, ekonomisti amerikan i referohet Netanyahut si “bir ku*ve i thellë e i errët”.
Presidenti amerikan në ardhje e shpërndau videon me përmbajtje fyese për Netanyahun vetëm disa javë pasi kryeministri izraelit pretendoi se kishte zhvilluar një diskutim “shumë miqësor e të ngrohtë” me Trumpin rreth bisedimeve për lirimin e pengjeve nga Gaza dhe politikat për Sirinë.
Nuk dihet nëse shpërndarja e kësaj videoje nga Trumpi ka ndikuar në vendimin e Netanyahut për të mos marrë pjesë në inaugurimin e presidentit të zgjedhur amerikan
Discover more from Illyrian Info
Subscribe to get the latest posts sent to your email.
