Avionët luftarakë polakë MiG-29 interceptuan një avion zbulues rus mbi Detin Baltik, incidenti i dytë i tillë këtë javë, tha ministri polak i Mbrojtjes, Wladyslaw Kosciniak-Kamysz.
Ushtria polake tha të mërkurën se avionët luftarakë polakë kishin interceptuar një avion rus që po kryente një fluturim zbulues në hapësirën ajrore ndërkombëtare mbi Detin Baltik.
“Sot, avionët luftarakë MiG-29 interceptuan një avion zbulues rus mbi Detin Baltik”, tha Kosyniak-Kamysz , duke thënë se ishte një incident i ngjashëm me atë të djeshëm.
Komanda Operacionale e Ushtrisë Polake e përshkroi incidentin në një postim në platformën e rrjeteve sociale X.
“Më 30 tetor 2025, para orës 09:00, avionët luftarakë MiG-29 që shërbejnë me Forcat Ajrore Polake kryen një tjetër interceptim këtë javë të një avioni zbulues Il-20 të Federatës Ruse që fluturonte mbi Detin Baltik”, tha ajo në një deklaratë.
“Avioni, i cili po fluturonte në hapësirën ajrore ndërkombëtare pa një plan fluturimi të paraqitur me transponderin e tij jashtë funksionit, u kap, u identifikua dhe u shoqërua jashtë zonës së përgjegjësisë. Nuk pati shkelje të hapësirës ajrore polake”.
Vendet në krahun lindor të NATO-s kanë qenë në gatishmëri të lartë për shkelje të mundshme të hapësirës ajrore që nga shtatori, kur tre avionë ushtarakë rusë shkelën hapësirën ajrore të Estonisë për 12 minuta, ditë pasi më shumë se 20 dronë rusë kishin hyrë në hapësirën ajrore polake.
