Vizita e ministres së Punëve të Jashtme, Donika Gërvalla, në Shtetet e Bashkuara të Amerikës ka përfunduar pa asnjë takim diplomatik me përfaqësues të administratës Trump.
Kjo ka nxitur reagime të ashpra nga analistët dhe gazetarët në Kosovë.
Disa e kanë quajtur këtë një “turp diplomatik,” ndërsa të tjerë kanë kërkuar përgjegjësi për dëmtimin e imazhit të vendit.
“Ky është një skandal për shtetin tonë. Qeveria dhe ministrat e saj duhet të tërhiqen sa më parë, sepse po e dëmtojnë jashtëzakonisht shumë Kosovën në arenën ndërkombëtare”, tha analistja Magbule Shkodra.
Ndërkaq, gazetari Ardian Gaxheri ishte po aq kritik, duke theksuar se: “Një ministër i jashtëm nuk shkon fshehurazi dhe përfundon duke iu lutur njerëzve për takime. Kjo vizitë nuk është vetëm e pasuksesshme, por e turpshme për diplomacinë tonë”, u shpreh Gaxheri në emisionin “Ora Shtatë” në Klan Kosova.
Njëherësh, gazetari Arlind Imeri e konsideroi këtë situatë si një “humbje të rëndë” për imazhin e Kosovës.
Ai theksoi se refuzimi nga administrata Trump shënon hapin e parë negativ për diplomacinë e vendit.
Discover more from Illyrian Info
Subscribe to get the latest posts sent to your email.
