Murati: Opozita nuk po kërkon dorëheqje, po kërkon braktisje të institucioneve

Ministri në detyrë i Financave, Hekuran Murati, ka reaguar ndaj qëndrimeve të fundit të opozitës pas dështimit të seancës konstituive.

Murati ka theksuar se ajo që po kërkon opozita nuk është dorëheqje nga institucionet, por braktisje e tyre – një kërkesë që sipas tij nuk është bërë asnjëherë më parë në historinë politike të vendit.

“Ta kemi të qartë, opozita nuk po kërkon dorëheqje nga institucionet. Opozita po kërkon braktisje të institucioneve. Diçka që nuk ka ndodhur asnjëherë më parë, e nuk i është kërkuar asnjë qeverie tjetër” ka shkruar Murati në Facebook.