Në Shtetet e Bashkuara është themeluar Shoqata Shqiptare-Amerikano e Kosovës, një organizim i ri që synon bashkimin dhe fuqizimin e komunitetit shqiptar me prejardhje nga Kosova.
Në një lidhje direkte në emisionin “Ora 7” në Klan Kosova, Shpetim Qorraj tregoi se qëllimi kryesor i shoqatës është krijimi i një rrjeti funksional të shqiptarëve që jetojnë në ShBA.
“Qëllimi i shoqatës është bashkimi i komunitetit tonë shqiptar nga Kosova dhe më gjerë. Këtu numri i shqiptarëve është rritur vitet e fundit dhe e pamë të domosdoshme të organizohemi, të kontribuojmë për çështjet kombëtare dhe për forcimin e lidhjeve mes nesh”, tha ai.
