Ndërsa autoritetet malazeze përpiqen të paraqesin sezonin turistik të këtij viti si të suksesshëm, pamjet nga bregdeti dëshmojnë të kundërtën plazhet janë të zbrazëta dhe pronarët e lokaleve shikojnë qiellin me shqetësim.
Shembujt janë të shumtë, por një nga më të komentuarit vjen nga vetë Beçiqi, dhe këtë e dëshmojnë fotot nga vendi i ngjarjes.
Në rrjetin social X, përdoruesi Çedo Mirković publikoi disa fotografi nga Beçiqi me një koment të shkurtër: “Beçiq, sot në mëngjes në orën 10:30, më 5 korrik 2025”s.
Fotot tregojnë një plazh thuajse fantazmë, në mes të korrikut, kur zakonisht ky vend është plot përplot me turistë. Komentet nën postim shpërthyen me sarkazëm, pakënaqësi dhe shqetësim:– “Po presin të nxehet edhe më shumë dielli…”
“Askush nuk ka ardhur! Ja ku na çuan ‘ekspertët’… Sezoni është në kulm, e kur të vijë periudha e ashtuquajtur ‘majë e sezonit’, do të lavdërohen me statistika që s’kanë lidhje me realitetin.”
Vazhdoni vetëm të rrisni çmimet. Ekonomia mbështetet vetëm te turizmi, e ai është në gjunjë.”Komentet ironike nuk mungojnë: “Kërkohet vend më shumë!. As gjilpëra s’ka ku bie!”, Janë dyndur turistët, sezoni më i miri ndonjëherë!”Por për punëtorët e turizmit, nuk ka as vend për shaka, as për sarkazëm.Një përdoruese e rrjetit X kujton se Mali i Zi kishte çdo mundësi të bëhej një destinacion elitar:
“Kam pushuar çdo verë në Mal të Zi nga viti 2009 deri më 2017. Ishte një vend me potencial të madh për t’u bërë një ‘Azurri i ri’. Fatkeqësisht, ndërtimet e pakontrolluara, infrastruktura e dobët rrugore, cilësia e ulët e shërbimeve dhe mungesa e higjienës të gjitha këto kontribuan në këtë rënie të lirë,” shkruan ajo.
Edhe pse sezoni zyrtarisht vazhdon, realiteti në terren tregon se turistët dhe portofolat e tyre këtë vit kanë zgjedhur diku tjetër. Mali i Zi, duket se ka injoruar paralajmërimet serioze dhe tani po përballet me pasojat.
Discover more from Illyran Info
Subscribe to get the latest posts sent to your email.
