Gazetari Lirim Mehmetaj, u ka bërë thirrje qytetarëve për “kujdes nga mashtrimi”, për një video me një person i cili “e ndal Albin Kurtin në rrugë dhe e falënderon se e ka çliruar veriun dhe ia ka mundësuar kthimin në shtëpi”. Mehmetaj thotë se këtu ka të bëjë me “mashtrim” sepse personi në fjalë “nuk është një qytetar i zakonshëm, por hiç më pak se nënkryetar i Vetëvendosjes për Mitrovicën e Veriut, Muhamed Çuni”.
Mehmetaj, deklaron se ky person “ka punuar si përkthyes për ndërkombëtarët, pastaj ka punuar në Ministri të Pushtetit Lokal e tash e ka punësuar Vetëvendosja si Zyrtar për E-komuna në divizionin E-Komuna dhe Qytete Inteligjente në kuadër të departamentit për digjitalizimin e shërbimeve në komuna”.
“Pra krejt është mashtrim, inskenim”, shprehet Mehmetaj.
“Metoda të tilla mund të gjeni plotë nëpër internet të përdorura nga aparati propagandistik i Vladimir Putinit, të cilin kinse e ndalin njerëzit në rrugë dhe e falënderojnë për kthimin e dinjitetit të Rusisë. Sa më afër zgjedhjeve këta do të vazhdojnë ta intensifikojnë këtë fushatë të ndytë, ruajuni”, shprehet ai.
Postimi i plotë: KËTU
Discover more from Illyrian Info
Subscribe to get the latest posts sent to your email.
